Ռենտգենյան ճառագայթման միջոցով հնարավոր է տեսնել ներքին օրգանների պատկերները: Այն մեծ նշանակություն ունի կոտրվածքների, հոդախախտերի, ոսկրերի վարակային ախտահարումների, հոդաբորբերի, թոքաբորբերի և այլ խնդիրների հայտնաբերման և կանխարգելման համար:
Բժիշկ-ռենտգենաբան Գոհար Ղասաբյանը նշում է, որ հաճախակի հանդիպում են թոքաբորբերը և կոնքազդրային հոդի բնածին հոդախախտերը:
«Թոքաբորբի ժամանակ նախքան հետազոտություն անցնելը և հստակ խնդրի պարզ դառնալը չպետք է ընդունել անտիբիոտիկներ, քանի որ դրանց սխալ կիրառումը կարող է օրգանիզմը թուլացնել, ինչի պատճառով բուժման ընթացքը երկարում է:
Բնածին կոնքազդրային հոդի հոդախախտերի բուժման մեջ մեծ նշանակություն ունի վաղ հայտնաբերումը՝ երեխայի կյանքի առաջին
օրերի և շաբաթների ընթացքում, և նախքան երեխայի քայլելը անցել ռենտգեն հետազոտություն:
Հենաշարժական ապարատի ամենահաճախ հանդիպող այս խնդիրը հիմնականում առաջանում է աղջիկների մոտ՝ կոնքի կառուցվածքի առանձնահատկություններից ելնելով»։
Բժշկուհու խոսքով՝ ռենտգեն հետազոտությունը, սակայն, այլ դեպքերում պետք է անցնել ըստ անհրաժեշտության՝ նեղ մասնագետի ցուցումով:
Նյութի՝ «Հերացի» թիվ մեկ հիվանդանողային համալիրի ֆեյսբուքյան էջից։
