Գերմանիայում սկսել են կորոնավիրուսի դեմ պատվաստման մասին վկայող թվային վկայագրեր բաժանել։ Այս մասին հայտարարել է երկրի առողջապահության նախարար Յենս Շպանը ճեպազրույցում։
Նախարարի խոսքով՝ դաշնային մակարդակով թվային անձնագիրն աստիճանաբար կտարածվի և հասանելի կդառնա որպես բջջային հավելված։ Այժմ պատվաստման կետերը, բժշկական հաստատություններն ու դեղատները միանում են համակարգին, որպեսզի կարողանան փաստաթղթեր տրամադրել։
Փաստաթուղթ ունեցող քաղաքացիները կարող են այցելել ռեստորաններ, մշակութային և այլ միջոցառումներ։
ԵՄ մեկ մլն բնակիչ քովիդ-անձնագիր է ստացել։