ԱՄՆ Կոնգրեսի անդամները կկարողանան կորոնավիրուսի դեմ պատվաստվել պատվաստանյութի կիրառման առաջին փուլում, հայտնում է Reuters-ը՝ վկայակոչելով Կոնգրեսի բժիշկներին:
Բժիշկ Բրայան Մոնահանը կոնգրեսականներին հղած նամակում նշել է, որ Սպիտակ տան Ազգային անվտանգության խորհրդում իրեն իրազեկել են, որ Կոնգրեսին տրամադրվելու են COVID-19-ի դեմ պատվաստանյութի որոշակի քանակությամբ դեղաչափեր կառավարության անխափան գործունեությունն ապահովելու վաղեմի պահանջների բավարարման համար:
«Ձեզ իմ խորհուրդը բացարձակապես միանշանակ է՝ այս պատվաստանյութի ստացումը հետաձգելու պատճառներ չկան: Օգուտը շատ ավելի է գերազանցում ցանկացած ոչ մեծ ռիսկից»,- նշված է Մոնահանի նամակում:
Սենատում մեծամասնության ղեկավար Միթչ ՄըկՔոնելը եւ Ներկայացուցիչների պալատի խոսնակ Նենսի Փելոսին ավելի վաղ հայտարարել էին, որ իրենք մի քանի օրից կպատվաստվեն:
News.am
