Գլխավոր էջ Վնասի նվազեցում Չափից շատ հյութ խմելը կարող է հանգեցնել շաքարային դիաբետի բարձր ռիսկի

Չափից շատ հյութ խմելը կարող է հանգեցնել շաքարային դիաբետի բարձր ռիսկի

1021
0

Մրգային հյութերը կարևոր վիտամիններ ու ֆիտոնուտրիենների հետ մեկտեղ, պարունակում են մեծ քանակով շաքար, մոտավորապես նույնքան, որքան զովացուցիչ ըմպելիքները: Այս շաքարը արագ մարսվում էօրգանիզմի կողմից, ինչպես գազավորված քաղցր ըմպելիքներում պարունակվողը: Որպես հետևանք` չափից շատ հյութ խմելը կարող է հանգեցնել շաքարային դիաբետի բարձր ռիսկի:

Բնականաբար պետք է տարբերակել խանութներում վաճառվող փաթեթավորված մրգային հյութերն ու տնային պայմաններում պատրաստվածը: Այսպես 350 գրամ խաղողի փաթեթավորված հյութը պարունակում է 58 գրամ շաքար, խնձորինը՝ 39 գրամ, իսկ բալինը՝ 37 գրամ: Ի տարբերություն պատրաստի վաճառվող հյութերի տանը պատրաստվող հյութի մեջ շաքարի քանակությունը կարգավորում եք դուք:

Ի վերջո առողջ ապրելակերպ վարելու համար անհրաճեշտ է հնարավորինս նվազեցնել շաքարի պարունակությունը ոչ միայն հյութերում, այլ նաև ողջ սնունդում:

Պարզվում է, որ մրգային հյութերում չկան սննդային մանրաթելեր, որոնք այնքան շատ են չճզմված մրգում: Երբ միրգն ուտում ենք առանց քամելու, մանրաթելերն օգնում են լյարդին մարսել շաքարը: Տանը բլենդերով պատրաստված հյութի մեջ այդ մանրաթելերը պահպանվում են:

Այնուամենայնիվ պետք չէ խուճապի մատնվել: Բանալին չափի մեջ է. Օրական 150մլ մրգային հյութը թույլատրելի է: Կարող եք նաև հյութը ջրով նոսրացնել, մեկ բաժակին բաժին ընկնող շաքարի քանակը նվազեցնելու համար, և փորձեք սեփական միջոցներով նվազեցնել ավելորդ շաքարի քանակությունը ձեր սննդում:

 

 

ԹՈՂՆԵԼ ՊԱՏԱՍԽԱՆ

Խնդրում ենք մուտքագրել Ձեր մեկնաբանությունը
Խնդրում ենք մուտքագրել ձեր անունը այստեղ