Սննդաբան Ելենա Սոլոմատինայի խոսքով ամեն օր նախաճաշի համար փաթիլներով շիլա ուտելը երեխաների մոտ կարող է առաջացնել շաքարախտ և ճարպակալում:
Հետազոտության շրջանակներում ուսումնասիրվել են փաթիլների շուկայում ամենահայտնի ապրանքանիշերից մոտ 18-ը, մեծամասամբ շոկոլադե գնդիկները:
Արդյունքում պարզվել է, որ շոկոլադե փաթիլներից 15 ապրանքանիշներ պարունակում են մեծ քանակությամբ շաքար:
Սննդաբանը շեշտում է, որ նման փաթիլներով նախաճաշերը վնասակար են երեխաների համար հենց ածխաջրերի բարձր պարունակության պատճառով: Նա նաեւ հավելել է, որ երբեմն կարելի է ուտել փաթիլներով պատրաստված շիլա, բայց ամենօրյա օգտագործման համար այն օգտակար չէ:
Դիետոլոգը պնդում է, որ այսպիսի նախաճաշից հետո, որը հարուստ է շաքարով, երեխաների մոտ նկատվում է ախորժակի բարձրացում: Դա կապված է արյան մեջ գլյուկոզայի մակարդակի կտրուկ բարձրացման եւ այդ մակարդակի հետագա անկման հետ: Արյան մեջ գլյուկոզայի նվազեցումից հետո երեխան կրկին կցանկանա օգտագործել այն մթերքը, որը պարունակում է ածխաջրեր, որպեսզի գլյուկոզայի մակարդակը կրկին բարձրանա:
Եթե գլյուկոզի մակարդակը տատանվում է, ապա այն կարող է հանգեցնել նախադիաբետիկ վիճակի, իսկ հետագայում նաև շաքարախտի:
Նյութի աղբյուրը՝ med2.ru