Բժիշկները հարցման ընթացքում գնահատել են՝ կարո՞ղ է արդյոք կորոնավիրուսի համավարակը ավարտվել այնպես արագ, ինչպես իսպանական համաճարակը: Այս մասին հաղորդում է «Մոսկովսկի կոմսոմոլեցը»:
Կենսաինժեներ Ալեքսանդր Կուդրյավցևը նշել է, որ երրորդ ալիքը կլինի ավելի քիչ ուժեղ: Նա ընդգծել է, որ COVID-19-ը արմատախիլ անելու ամենալավ ժամանակահատվածը կարող է լինել ամառը:
«Չափազանց կարևոր է պատրաստանյութի մշակման արագությունը, հակառակ դեպքում մենք կարող ենք ընդմիշտ մնալ այս SARS-CoV-2 վիրուսի հետ, ինչպես դա պատահեց OC43 կորոնավիրուսի հետ, որը ամեն տարի համարվում է մրսածության հիվանդությունների 10-15%-ի պատճառը»,- ասել է Կուդրյավցևը:
Բացի դրանից, նա ընդգծել է, որ բնակչության 70%-ի իմունիտետի զարգացումը հնարավորություն կտա հաղթահարել համավարակը, եթե իմունային պաշտպանությունը ամբողջ աշխարհում զարգանա միաժամանակ: