Աշխարհում համաճարակի սկզբից ի վեր COVID-19-ով վարակների թիվը հասել է 83 միլիոն 444 հազար 482-ի: Այս մասին հայտնում է Интерфакс-Украина-ն ՝ հղում կատարելով Ջոնս Հոփքինսի համալսարանի տվյալներին:
Հինգ միլիոն կամ ավելի կորոնավիրուսային վարակ ունեցող երկրներից են Միացյալ Նահանգները, Հնդկաստանը և Բրազիլիան:
Վարակվածների և մահացությունների թվով ԱՄՆ-ը շարունակում է մնալ առաջին տեղում, որտեղ ընդհանուր առմամբ հայտնաբերվել է COVID-19-ով վարակված 19 միլիոն 968 հազար 87 դեպք, գրանցվել է 345 հազար 737 մահ, ավելի քան 11 միլիոնը բուժվել է:
Երկրորդ տեղում Հնդկաստանն է, որտեղ վարակվածների թիվն աճել է՝ հասնելով 10 միլիոն 289 հազար 710-ի, մահացությունների թիվը՝ 148 հազար 949 է, բուժվել է ավելի քան 9,8 միլիոն հիվանդ:
Բրազիլիան վարակվածների թվով երրորդ տեղում է: Այստեղ համաճարակի ընթացքում գրանցվել է 7 միլիոն 675 հազար 973 դեպք, 194 հազար 949 հիվանդ մահացել է, ավելի քան 6,8 միլիոնը՝ բուժվել: