Իսրայելի վարչապետ Բինյամին Նեթանյահուն Իսրայելում առաջին քաղաքացին է, որը պատվաստվել է կորոնավիրուսի դեմ Pfizer ընկերության դեղամիջոցով, հաղորդում է ՏԱՍՍ-ը:
Գործակալությունը նշում է, որ պատվաստման գործընթացի ուղիղ հեռարձակումն իրականացրել է «Կան» հեռուստաալիքը:
Հիշեցնենք, որ Նեթանյահուն հայտնել էր, որ Իսրայելը պայմանավորվել է Pfizer ամերիկյան դեղագործական կորպորացիայի հետ դրա ստեղծած պատվաստանյութի 8 մլն դեղաչափ ձեռքբերելու համար, ինչը կբավարարեր 4 մլն մարդու համար: 2020 թվականի հունիսին Իսրայելը պայմանագիր է կնքել ամերիկյան Moderna ընկերության հետ կորոնավիրուսի դեմ մի քանի միլիոն պատվաստանյութ ձեռքբերելու համար: Նոյեմբերի 1-ին սկսվել են կորոնավիրուսի դեմ իսրայելական պատվաստանյութի կլինիկական փորձարկումները, որը ստացել է Brilife անվանումը:
