Գերմանիան պատրաստվում է փակել խանութների մեծ մասը դեկտեմբերի 16-ից մինչեւ հաջորդ տարվա հունվարի 10-ը կորոնավիրուսի տարածման կապակցությամբ, հաղորդում է Reuters-ը:
Առաջարկը պատրաստվել էր ԳԴՀ կանցլեր Անգելա Մերկելի եւ երկրի նահանգների ղեկավարների հետ հանդիպման արդյունքում:
Ըստ առաջարկված միջոցառումների՝ երկրում հիշատակված ժամանակահատվածում բաց կլինեն միայն սուպերմարկետները, դեղատներն ու բանկերը:
Հիմնականում փակ կլինեն նաեւ դպրոցները, իսկ գործատուները հնարավորինս պետք է առաջարկեն իրենց աշխատողներին հեռավար աշխատանքի հնարավորությունը:
Գերմանիայում վերջին վեց ամսվա ընթացքում գործել է մասնակի լոքդաուն, փակ են եղել բարերն ու ռեստորանները, սակայն խանութները շարունակել են աշխատել: Երկրի որոշ շրջաններում արդեն խստացվել են միջոցառումները կորոնավիրուսի կապակցությամբ:
