Հակամարմինները չեն երաշխավորում կորոնավիրուսից լիարժեք պաշտպանություն: Նման կարծիք է հայտնել վիրուսաբան Ալեքսանդր Չեպուրնովը:
«Պետք է նկատի ունենալ, որ հակամարմիններն ընդամենը ցույց են տալիս, որ պատվաստանյութի գործողության գործընթաց է ընթանում: Իմունային պատասխանի ամենահզոր օղակը բջջային պատասխանն է: Այդ պատճառով պատվաստանյութի արդյունավետության իրական ցուցանիշ պետք է լինի պատվաստումից հետո հիվանդությունների վիճակագրությունը»,-ասել է նա Ura.ru-ի հետ զրույցում:
Մասնագետի խոսքով՝ հակամարմինները կարող են տարբերվել:
«Մեծ դեր ունի ոչ միայն հակամարմինների քանակը, այլ դրանց որակը»,-ասել է նա՝ հավելելով, որ իրականում հեշտ չէ գնահատել բջջային իմունիտետը:
Աղբյուրը՝ News.am