Բոստոնի BIDMC բժշկական կենտրոնի գիտնականները պարզել են, որ առողջ սննդակարգով երկու ամիսը 10%-ով նվազեցրել է սրտի և անոթների աթերոսկլերոզով հիվանդանալու ռիսկը առաջիկա 10-տարիների համար։ Ըստ «Գազետա ռու»-ի՝ արդյունքները հրապարակված են The American Journal of Cardiology-ում:
Հեղինակները համեմատել են մարդկանց երեք խմբի բժշկական տվյալները՝ որոնք հետևում են DASH (դիետիկ մոտեցում հիպերտոնիայի բուժման համար), դասական ամերիկյան դիետային՝ մրգերով ու բանջարեղենով հարուստ սննդակարգին։ Հետազոտությունը ներառել է 22-ից 75 տարեկան 459 մեծահասակների:
Հետազոտողները պարզել են, որ DASH դիետան և մրգերի և բանջարեղենի դիետան նվազեցրել են աթերոսկլերոզային հիվանդությունների (ինսուլտ, հիպերտոնիա, սրտի կաթված) 10-ամյա զարգացման ռիսկը՝ համապատասխանաբար 10,3 և 9,9%-ով։ Դրական ազդեցությունն ավելի ցայտուն է եղել կանանց և սևամորթ մեծահասակների մոտ։
Հետազոտության բոլոր մասնակիցները, ովքեր հետևել են առողջ սննդակարգին, նվազեցրել են սիստոլիկ արյան ճնշումը: Այնուամենայնիվ, արյան ճնշումն ավելի ցածր էր DASH-ի մասնակիցների մոտ, բայց այս օգուտը փոխհատուցվել է մասնակիցների մոտ «լավ խոլեստերինի» ցածր մակարդակով, ուստի ընդհանուր դիետաները հավասարապես օգտակար էին:
Նյութի աղբյուրը` Panorama.am
