Առողջապահության նախարար Անահիտ Ավանեսյանը շնորհավորական ուղերձ է հղել Գիտելիքի և դպրության օրվա առթիվ։
«Կրթությունն անձի առաջընթացի հիմնական նախադրյալն է և ապագայի «անձնագիրը»: Այն ամենամեծ ներդրումն է ստեղծարար հասարակության և մրցունակ պետության կերտման ճանապարհին:
Շնորհավորում եմ բոլորիս Գիտելիքի և դպրության օրվա, նոր ուսումնական տարվա մեկնարկի առթիվ` դպրոցականներին, ուսանողներին, մանկավարժներին, դասախոսներին: Ուսումնական տարին սկսենք դրական լիցքերով, սպասումներով և աշխատասիրությամբ», — նշված է ուղերձում։