Ցիտրուսի, դարչինի, անանուխի եւ կոճապղպեղի բույրը կօգնի մարդուն դիետայի ժամանակ նվազեցնել ախորժակը, նորմալացնել մարսողությունը, նյարդային համակարգը, բարելավել արյան շրջանառությունը եւ հագեցնել քաղցը։ Այս մասին URA.RU-ի հետ զրույցում ասել է սննդաբան, սննդաբանների ազգային ասոցիացիայի անդամ Դարիա Ռուսակովան:
«Ցիտրուսային բույրերը, սուրճն ու դարչինը նվազեցնում են ախորժակը։ Դարչինը նպաստում է քաշի կորստին, քանի որ արագացնում է նյութափոխանակությունը, նորմալացնում է արյան մեջ գլյուկոզայի մակարդակը եւ նվազեցնում քաղցրավենիք ուտելու ցանկությունը։ Դարչինի հատկությունները բարձրացնելու համար կարելի է այն համադրել բնական սուրճի ըմպելիքների հետ»,-պարզաբանել է Ռուսակովան։
Նրա խոսքով՝ դիետայի ժամանակ կարեւոր է պահպանել նորմալ մարսողությունը։ «Անանուխը հաճելի բուրմունք ունի, լավ է ազդում նյարդային համակարգի վրա, հանգստացնում է։ Անանուխի հավելումով թեյն օգնում է մաքրել աղիքները, պրոֆիլակտիկ միջոց է փորկապության համար»,-հավելել է մասնագետը։
Աղբյուրը` Med.news.am
