Գերմանիայի ՆԳՆ ղեկավար Նենսի Ֆասերը գերմանացիներին խորհուրդ է տվել արտակարգ իրավիճակների դեպքում սննդամթերքի և դեղորայքի պաշար պատրաստել տանը:Այդ մասիննա հայտարարություն է արել Handelsblatt թերթին տված հարցազրույցում՝ հաշվի առնելով Ուկրաինայի շուրջ ստեղծված իրավիճակը։
«Եթե էլեկտրաէներգիան երկար ժամանակով անջատվի, խելամիտ կլինի ամեն դեպքում տանը սննդի պաշար ունենալ»,- ասաց նախարարը։
Ֆետերը նշել է, որ պետության քաղաքացիական պաշտպանության միջոցառումները պետք է ներառեն ոչ միայն տեխնիկական խնդիրները, այլեւ սննդամթերքի, դեղորայքի եւ բժշկական պարագաների պաշարները։ Նա խորհուրդ է տվել ծանոթանալ բնակչության պաշտպանության ցանկին, որտեղ նկարագրված է արտակարգ իրավիճակներում մեկ անձի համար անհրաժեշտ սննդի փաթեթը տասն օրվա համար։
Ցանկում ներառված է 20 լիտր ջուր, 3,5 կիլոգրամ հացահատիկ, հաց, մակարոնեղեն և կարտոֆիլ, 2,5 կգ միրգ և ընկույզ, 4 կգ բանջարեղեն, 2,6 լիտր կաթ և կաթնամթերք, 1,5 կգ միս, ձուկ, և ձու,357 գրամ ճարպեր և յուղեր, այլ ապրանքներ՝ ըստ ճաշակի, օրինակ՝ մեղր կամ շոկոլադ։ Փաստաթղթում տրվում են նաև առաջարկություններ արտակարգ իրավիճակների դեպքում տանը առաջին օգնության պայուսակ հավաքելու վերաբերյալ:
Ավելի վաղ Գերմանիայի խոշորագույն բնակարանային ընկերության գործադիր տնօրեն Ռոլֆ Բուխը հայտարարել էր, որ չի կարող երաշխավորել իր հաճախորդներին տաք բնակարաններ հաջորդ ձմռանը: Գործարարը զգուշացրել է, որ որոշ գերմանացիներ կկանգնեն իրենց տների ջեռուցման ծախսերի զգալի աճի հետ։