Ինչպես գիտենք, հունվարի 22-ից հանրային մի շարք վայրեր մուտք գործելու համար անհրաժեշտ է ներկայացնել կորոնավիրուսային հիվանդության թեստավորման բացասական պատասխանը կամ պատվաստումը հավաստող QR կոդերը։ Շատ անձինք այս երկընտրանք-պարտադրանքի պատճառով՝ պատվաստվեցին։ Ոմանք, իհարկե, ինքնակամ, քանզի միգուցե երկմտում էին պատվաստվել-չպատվաստվելու համար, իսկ սահմանափակումն օգնեց նրանց վերջնական որոշում իրականացնելուն։
Պետք է փաստել, որ սահմանափակումից հետո եղան դեպքեր, երբ պատվաստման QR կոդերը կեղծում էին, քանզի այդ կոդերը չէին սկանավորում և համակարգչային բավարար գիտելիքներ ունեցող անձը կկարողանար այն հեշտությամբ կեղծել։
Հիմա, կարծես ոչ բոլոր վայրերում են պահանջում այդ QR կոդերը, և այդ առումով համացանցի օգտատերերը հրապարակումներով ներկայացնում են իրենց «ափսոսանքը», որ ճարահատյալ պատվաստվել են, իսկ հիմա այդ սահմանափակումն այլևս այնքան էլ կիրառելի չէ։
Օֆելյա Պողոսյան