Քեմբրիջի թերապևտիկ իմունոլոգիայի և վարակիչ հիվանդությունների ինստիտուտի աշխատակիցները պարզել են, որ կորոնավիրուսի օմիկրոն շտամն ավելի դանդաղ է ազդում թոքերի վրա, քան COVID-19-ի մյուս շտամները: Գազետա.ռու-ի հաղորդմամբ, այս մասին հայտնում է Sky News-ը՝ հղում կատարելով հետազոտությանը։
Գիտնականների կարծիքով, օմիկրոն շտամով վարակվածների մոտ հիվանդության ծանր ընթացք չի առաջացնում։
Միևնույն ժամանակ մասնագետները կոչ են անում շարունակել կորոնավիրուսային վարակի դեմ պայքարը, քանի որ օմիկրոնը սկսել է ավելի հաջող «շրջանցել» մարդկանց իմունիտետը, քան մյուս տարբերակները։
