Գիտնականները դեռ չգիտեն, թե որքանով է «Օմիկրոն» շտամը վարակիչ և արդյոք արդեն ստեղծված պատվաստանյութերն օգնում են դրա դեմ։
Tvzvezda.ru-ն գրում է․ Առողջապահության համաշխարհային կազմակերպությունը (ԱՀԿ) մտահոգված է վիրուսի այս տարբերակի մուտացիաներով: Այն շատ անգամ ավելի արագ է տարածվում, և նույնիսկ նրանք, ովքեր հիվանդ են եղել, վարակվելու վտանգ ունեն: Թե դա ինչ հետեւանքների կհանգեցնի, դեռ պարզ չէ։
Օմիկրոնի մասին առաջին հաղորդագրությունը հայտնվել է նոյեմբերի 24-ին։ Վարկածներից մեկի համաձայն՝ վիրուսը մտել է ՄԻԱՎ-ով վարակված մարդու օրգանիզմ, թուլացած իմունային համակարգը թույլ է տվել Covid-ին բազմանալ և մուտացիայի ենթարկվել։
«Դա սկսվեց 40 տարեկանից ցածր երիտասարդներից: Հիմնական գանգատներն էին մեկից երկու օր տեւած ուժեղ հոգնածությունը, գլխացավն ու մկանային թուլությունը։ Բացի այդ, շատերը բողոքել են կոկորդի ցավից։ Ոմանք չոր հազ ունեին։ Սրանք այն հիմնական ախտանիշներն են, որոնք մենք տեսանք», — ասել է Հարավաֆրիկյան բժշկական ասոցիացիայի (Հարավային Աֆրիկա) նախագահ, դոկտոր Անժելիկա Քոեթզին:
Արդեն հաստատվել է, որ Օմիկրոնն ունի ավելի քան 15 նոր մուտացիա։ Դրանցից ամենավտանգավորը հասկ սպիտակուցի մեջ հայտնաբերվածներն են, հենց այն փշերը, որոնցով պատկերված է վիրուսը նկարներում և որոնցով այն կպչում է մարդու բջիջին: Փշի ներսում ֆուրին կա՝ իրականում դա գլխավոր բանալի է, որով վիրուսը բացում է բջիջի մուտքը։ Նոր մուտացիաները այս հիմնական բանալին ավելի լավ և արդյունավետ են դարձրել, այժմ օմիկրոնի համար ավելի հեշտ է ներթափանցել բջիջ:
Եվս չորս մուտացիաներ, որոնք օգնում են վիրուսին փախչել բնածին իմունիտետից և արագացնել նրա վերարտադրությունը բջջի ներսում, ինչը հանգեցնում է վարակված մարմնում ավելի մեծ վիրուսային բեռի:
«Եզրակացվեց, որ այնտեղ մուտացիան բավականին վտանգավոր է։ Որ կան չորս տարբեր մուտացիաներ, որոնք խուսափում են հակամարմիններից և մի մուտացիա, որը թույլ է տալիս վիրուսին ավելի արագ տարածվել: Եվ այս համակցությունը ճանաչվեց որպես վտանգավոր»,- ասում է կենսաբանական գիտությունների դոկտոր, Ջորջ Մեյսոն համալսարանի Համակարգային կենսաբանության դպրոցի պրոֆեսոր Անչ Բարանովան։
ԱՀԿ-ի վիրուսների էվոլյուցիայի աշխատանքային խումբը Օմիկրոնը ճանաչեց որպես «անհանգստացնող», ինչը նշանակում է վտանգավոր իր հատկությունների պատճառով: Դրանց թվում են մեծ վարակելիությունը եվ պատվաստանյութերի ազդեցությունից խուսափելու ունակությունը։ Բայց այս բացահայտումները պահանջում են լաբորատոր եվ կլինիկական հաստատում:
«Աշխարհը կրկին բախվում է նոր COVID-19 խնդրի հետ։ Omicron տարբերակն ավելի վարակիչ է, առաջացնում է լուրջ հիվանդություններ կամ ազդում է պատվաստանյութի արդյունավետության վրա»,- ասել է ԱՀԿ-ի տարածաշրջանային տնօրեն Աբու Սալեմ Գուեյը:
Ս․ Ասատրյան
