Վրաստանի կառավարության միջգերատեսչական համակարգման խորհրդի որոշմամբ` կորոնավիրուսը կանխելու նպատակով Եկամուտների ծառայության տարբեր օբյեկտների վերամշակումը հատուկ հեղուկներով շարունակվում է: Այս մասին հայտնում է «Ալիք Մեդիան»:
Այս անգամ ախտահանման-կանխարգելիչ աշխատանքներ են իրականացվել Սադախլոյի մաքսակետում:
«Եկամուտների ծառայության մաքսային դեպարտամենտը և Պարենի ազգային գործակալությունը ախտահանման աշխատանքներ են իրականացնում: Տրանսպորտային միջոցները, քաղաքացիներին ծառայություն տրամադրող տարածքներն ու տարբեր սարքավորումներ վերամշակվել են հատուկ հեղուկով»,- ասվում է հաղորդագրության մեջ: