Արսեն Թորոսյանն այսօր լրագրողների հետ զրույցում անդրադարձավ ինքնամեկուսացմանը և հասարակական բարձր գիտակցությանը։
«Մենք բազմիցս հորդորել ենք, որ համաճարակի օջախ հանդիսացող օբյեկտներից աշխատեք շփումները սահմանփակել, ինքնամեկուսանալ և ամենակարևորը գանգատների դեպքում չզբաղվել ինքնաբուժմամբ և անմիջապես զանգահարել մեր ծառայություն, որպեսզի մենք կարողանանք իդենտիֆիկացնել և բժշկական և համաճարակաբանական ցուցումներով դնենք տեստ և տեստի արդյունքներով որոշենք։ Նաև ուզում եմ հիշեցնել, որ այս պահին վարակված անձը այդ պահին վարակակիր չի հանդիսանում,քանի որ վիրուսի մեծ քանակ է անհրաժեշտ օրգանիզմի մեջ, որպեսզի այն արտազատի և ուրիշներին վարակի։
Հետևաբար այդ սխեման՝ հայտնաբերել, մեկուսացնել միայն գործուն սխեման է կոնտակտային շրջանակը կոտրելու համար»,-հավելեց նա։
Հարցին, թե չինքնամեկուսացվողներին պատասխանատվություն սպասվում է, նախարարը պատասխանեց.«Վարչական պատասխանատվության մեխանիզմներ կան, մենք հիմա քննարկում ենք դրանք»։
