Միացյալ Նահանգներում COVID-19 կորոնավիրուսով ընդհանուր առմամբ վարակվել է 512 մարդ, որից 21-ը` մահվան ելքով: Այս մասին հաղորդում է CNN հեռուստաալիքը ՝ վկայակոչելով ԱՄՆ-ի Հիվանդությունների վերահսկման եւ կանխարգելման կենտրոնների տվյալները:
Վարակման դեպքեր են գրանցվել երկրի 33 Նահանգներում, մի քանի տեղական իշխանություններ արտակարգ դրության ռեժիմ են սահմանել: Հաղորդվում է, որ նախօրյակին երկու մարդ է մահացել Վաշինգտոնի նահանգում կորոնավիրուսային թոքաբորբի հետեւանքով, սակայն ամենից շատ վարակվածները (114 մարդ) Կալիֆորնիայում են: