Ինչպես երեկ նախարարը նշեց՝ ունենք որոշակի քանակությամբ պահեստավորված դիմակներ։ Այս պահին դեղատներում չկան դիմակներ հանրության շրջանում խուճապի տարածման արդյունքում։ Իհարկե պետք է բավականին լուրջ վերաբերվել կորոնավիրուսին, բայց առաջացած խուճապը շատ ավելի լուրջ է և դա կարող է սխալ հետևանքներ ունենալ կշռադատված և հստակ տվյալների հիման վրա կայացրած որոշումների վրա։
Այս մասին մարտի 2-ին Ազգային ժողովում տեղի ունեցած քննարկումից հետո լրագրողների հետ հարց ու պատասխանի ժամանակ խոսեց Առողջապահության և սոցիալական հարցերի մշտական հանձնաժողովի նախագահ Նարեկ Զեյնալյանը։
Ինչ վերաբերում է դիմակների բացակայությանը և Հայաստանում այդ խնդրի լուծմանը, Նարեկ Զեյնալյանը նշեց, որ կիրականացվի հավելյալ պահեստավորում, կգնվեն դիմակներ նաև արտասահմանից։ Եվ, ի հավելում, ընգծեց, որ դիմակները չեն կարող 100 տոկոսով կանխել կորոնավիրուսով վարակվելու հավանականությունը ։ Դիմակ կրելու պարագայում չենք կարող 100 տոկոսով պաշտպանված լինել վարակի ներթափանցումից։