Worldometers կայքում հրապարակված տվյալների համաձայն՝ վերջին 7 ամիսների ընթացքում աշխարհում 1 օրում կորոնավիրուսից մահվան 5960 նոր դեպք է գրանցվել, ինչը նվազագույնն է անցյալ տարվա նոյեմբերից: Корреспондент պարբերականը փոխանցմամբ՝ սրանք հունիսի 26-ի տվյալներն են: Իսկ նոր դեպքերի թիվը կազմել է 309 179:
Ընդհանուր առմամբ, համավարակի սկզբից մինչև օրս աշխարհում կորոնավիրուսով վարակման դեպքերի թիվը գերազանցել է 180 միլիոնը: Ավելի քան 3 միլիոն 900 հազար մարդ մահացել է: Վիրուսի դեմ պատվաստվել է 2 միլիարդ 800 միլիոն մարդ:
Ինչպես ավելի վաղ հայտնել էր ShantNews-ը, Մոսկվայում արձանագրվել է կորոնավիրուսից մահվան դեպքերի ռեկորդային թիվ:
