ՀՀ ԱՆ Մաշկաբանության ազգային կենտրոնը և Մաշկավեներաբանների հայկական ասոցիացիան պարբերաբար տարբեր թեմաներով կազմակերպում են դասընթացներ բուժառուների համար: Ատոպիկ մաշկաբորբի և պսորիազին վերաբերող դասընթացների դրական արձագանքներից ելնելով` կրկին վերսկսվում են դասընթացները:
Ապրիլի 17-ին` ժամը 11:00-ին, Մաշկաբանության ազգային կենտրոնի նիստերի դահլիճում տեղի կունենա «Ամեն ինչ ատոպիկ մաշկաբորբի մասին» թեմայով ուսուցողական դասընթաց` ատոպիկ մաշկաբորբ ունեցող երեխաների ծնողների համար:
Ժամանակակից բժշկության նորագույն տվյալների հիման վրա մշակված դասախոսությունը կներկայացնի Մաշկաբանության ազգային կենտրոնի փորձառու մաշկաբան Արամ Շահվերդյանը:
Դասախոսությունից հետո բժիշկը կանցկացնի երեխաների անվճար խորհրդատվություն:
Անհրաժեշտ է նախապես հերթագրվել` 099290303 հեռախոսահամարով:
Մասնակցությունն անվճար է: