Հայաստան է բերվել ռուսական «Սպուտնիկ V» պատվաստանյութի առաջին խմբաքանակը։ 15 հազար չափաբաժին պատվաստանյութով բեռնված ինքնաթիռը վայրէջք է կատարել «Զվարթնոց» օդանավակայանում։
«Դա կուղղվի ռիսկի խմբում գտնվող մարդկանց պատվաստմանը», – ասել է Երևանում Ռուսաստանի դեսպանության խորհրդական Պավել Կուրոչկինը՝ նշելով, որ սա պանդեմիայի դեմ պայքարում ՌԴ-ի կողմից ՀՀ-ին տրամադրվող լայնամասշտաբ աջակցության շարունակությունն է:
Օդանավակայանում են գտնվել նաև ՀՀ ԱՆ հիվանդությունների վերահսկման և կանխարգելման ազգային կենտրոնի գլխավոր տնօրեն Արտավազդ Վանյանն ու Երևանում Россотрудничествo-ի ներկայացուցիչ Անդրանիկ Արզումանյանը։
