Ավստրալիան պատրաստվում է սկսել կորոնավիրուսի դեմ պատվաստումների ծրագիրը փետրվարի կեսին եւ մարտի վերջին՝ պատվաստել բնակչության 15 տոկոսին, հաղորդում է AP-ը:
Վարչապետ Սքոթ Մորիսոնը հայտարարել է, որ ակնկալում է, որ Pfizer պատվաստանյութը կմատակարարվի երկու շաբաթ անց, երբ ավստրալական կարգավորիչ մարմինը հաստատի այն հունվարի վերջում: Նրա խոսքով՝ նպատակը յուրաքանչյուր շաբաթ 80 000 պատվաստումն իրականացնելն է եւ մինչեւ մարտի վերջ Ավստրալիայի 26 միլիոն բնակչության 4 միլիոնի շրջանում պատվաստումներն ավարտելը:
