D վիտամինը մեր օրգանիզմում շատ կարեւոր դեր է խաղում, հատկապես հիմա՝ կորոնավիրուսային ինֆեկցիայի համավարակի պայմաններում: Այս վիտամինի դեֆիցիտը, սակայն, անչափ տարածված է աշխարհի գրեթե բոլոր երկրներում: Ավելին՝ մարդկանցից շատերն անգամ չեն կասկածում, որ այդ վիտամինի պակաս ունեն:
Ինչպիսի՞ ախտանիշներով է հնարավոր կասկածել D վիտամինի դեֆիցիտը:
Մասնագետների խոսքով՝ վիտամինի ցածր մակարդակը կարող է դրսեւորվել հետեւյալ խանգարումներով՝
- ոսկորներում եւ թիկունքում ցավ,
- հոգնածություն,
- դեպրեսիվ վիճակներ,
- մազաթափություն,
- ասթմայի սրացում,
- հակվածություն սիրտ-անոթային հիվանդություններին:
Այս բոլոր խնդիրները կարելի է համարել D վիտամինի դեֆիցիտի ախտանշաններ: Իհարկե, կարող են լինել նաեւ այլ պատճառներ: Այդուամենայնիվ, եթե ձեզ անհանգստացնում է թվարկված ախտանիշներից որեւէ մեկը, իմաստ ունի արյան անալիզ հանձնել D վիտամինի մակարդակը ստուգելու համար եւ խորհրդակցել թերապեւտի հետ: