Կիրակի երեկոյան Իսրայելում սկսել է գործել համավարակի սկզբից ի վեր երրորդ համընդհանուր կորոնավիրուսային կարանտինը, այս մասին հայտնում է Московский Комсомолец-ը:
Իշխանությունների որոշմամբ՝ մինչ հունվարի 9-ը իսրայելցիներին արգելվում է 1 կմ-ից ավելի հեռանալ տնից, հյուր գնալ: Բացառություն են բժշկական օգնություն ստանալը, պատվաստումները, դատարանները, թաղումները, հարսանիքները, թլպատման արարողությունները և մարզվելու նպատակով քայլելը:
Բոլոր առևտրային կետերը փակվում են, բացառությամբ առաջին անհրաժեշտության ապրանքների խանութների. հասարակական սննդի կազմակերպումը կարող է իրականացվել միայն առաքման միջոցով:
Այդ ժամանակահատվածում չեն գործի կենդանաբանական այգիները, հուշահամալիրները, գեղեցկության սրահները, կինոթատրոնները, առևտրի կենտրոնները, շուկաները և թանգարանները:
