Կորոնավիրուսի նոր մուտացիան հայտնաբերել է եվրոպական ութ երկրներում, այս մասին հայտարարել է Առողջապահության համաշխարհային կազմակերպության տարածաշրջանային բյուրոյի ղեկավար Հանս Կլյուգեն:
«Կենսական նշանակություն ունի գործող պաշտպանական միջոցների ուժեղացումը»,- Twitter-ում գրել է նա։
Նոր մուտացիան տարածվում է երիտասարդ տարիքային խմբերի շրջանում:
ԱՀԿ ներկայացուցիչը ընդգծել է, որ անհրաժեշտ է զգոնություն դրսևորել, քանի դեռ շարունակվում է COVID-ի նոր տարբերակի ուսումնասիրությունը:
Օրերս հաղորդվել էր, որ Մեծ Բրիտանիայում կորոնավիրուսի նոր տեսակ է հայտնաբերվել։ Ինչպես նշել է ԱՀԿ-ն, այն շատ արագ է տարածվում, սակայն չի համարվում ավելի վտանգավոր։
