Գերմանիայի Բադեն-Վյուրթեմբերգ դաշնային հողում առաջին անգամ կորոնավիրուսի «բրիտանական» շտամ է հայտնաբերվել, հաղորդում է Bild- ը՝ վկայակոչելով տեղի Առողջապահության նախարարության ներկայացուցչին:
Նշվում է, որ վարակված կինը դեկտեմբերի 20-ին Մեծ Բրիտանիայից թռչել է Մայնի Ֆրանկֆուրտ: Այն մասին, որ նա վարակված է, հայտնի է դարձել, երբ թռիչքի բոլոր ուղևորները ժամանելուն պես COVID-19- ի էքսպրես թեստ են հանձնել:
Հաջորդ օրը կրկնակի թեստը նույնպես դրական արդյունք է ցույց տվել, միևնույն ժամանակ, այդ ժամանակ էլ կնոջ մոտ հիվանդության մեղմ ախտանիշներ են առաջացել: Նա մեկուսացված է իր հարազատների տանը:
