Կարմիր առվույտի թուրմը օգնում է կանխել տղամարդկանց ճաղատությունը: Այս մասին հայտնում է Express հրատարակությունը՝ վկայակոչելով բրիտանացի գիտնականների ուսումնասիրությունը:
Հետազոտությանը մասնակցել են անդրոգենային ալոպեցիա ունեցող 30 տղամարդիկ: 4 ամսվա ընթացքում նրանք գլխամաշկին քսել են կարմիր առվույտի (Trifolium pratense) 5%-անոց թուրմ։
Հետազոտության արդյունքների համաձայն, փորձի մասնակիցները արձանագրել են մազերի 13% աճ։ Գիտնականները նշել են նաեւ, որ կամավորների մազաթափության ցիկլը նվազել է 29%-ով: Միեւնույն ժամանակ, կամավորները, ովքեր ստացել են պլացեբո, նման արդյունքներ չեն ունեցել:
Ուսումնասիրության երկրորդ փուլին մասնակցել են 109 կանայք, ովքեր 90 օր անց նշել են իրենց մազերի կառուցվածքի, արտաքին տեսքի եւ ընդհանուր որակի զգալի բարելավման մասին:
