Այսօր լրանում է Աբդելմաջիդ Տեբունի՝ Ալժիրի նախագահի պաշտոնը ստանձնելու մեկ տարին, սակայն նա ոչ մի տեղ չի հայտնվել այն բանից հետո, երբ 6 շաբաթ առաջ կորոնավիրուսի դեմ բուժման հետ կապված տարհանվել է Գերմանիա, հաղորդում է Associated Press-ը:
Նոյեմբերի 30-ին նախագահի գրասենյակը հայտարարություն է տարածել, որում ասվում է, որ Տեբունը բուժվում է մասնագիտացված բուժհաստատությունում, ապաքինվում է եւ պետք է տուն վերադառնա մոտ օրերս:
Այդ հայտարարությունը առեղծվածային է թվացել: Կլինիկայի անունը, որտեղ բուժվում է 75-ամյա Տեբունը, այդպես էլ չի նշվել:
News.am
