Կորոնավիրուսի պատճառով նավթն էժանանում է

Չինաստանում կորոնավիրուսի տարածման պատճառով պահանջարկի նվազման մտավախությունների ֆոնին նավթի գինն ընկնում է։

Լոնդոնյան ICE Futures բորսայում Brent տեսակի նավթի մարտյան ֆյուչերսների արժեքը մեկ բարելի դիմաց ներկայում կազմում է 59,29 դոլար՝ նախորդ օրվա համեմատ 2․31 տոկոսով ցածր։

Նյու Յորքի NYMEX բորսայում WTI նավթի ֆյուչերսներն էժանացել են 2,42 տոկոսով՝ հասնելով մեկ բարելի դիմաց 52․88 դոլարի։

Նոր կորոնավիրուսով վարակվածների թիվը Չինաստանում գերազանցում է 2700-ը, գրանցվել է մահվան ելքով 80 դեպք։