ՀՀ Առողջապահության նախարարություն-ում այս պահին ընթանում է ԱՆ «Ակադեմիկոս Էմիլ Գաբրիելյանի անվան դեղերի եւ բժշկական տեխնոլոգիաների փորձագիտական կենտրոն» ՓԲԸ-ի տնօրենի թափուր հաստիքի մրցույթի է-ին փուլը:
Մրցույթին մասնակցելու համար դիմել է 7 թեկանծու: Նախարարության հասարակայնության հետ կապերի բաժնի պետ Լիլիթ Բաբախանյանը MedMedia-ի հետ զրույցում ասաց, որ չի նշի թեկնածուների անունները, քանի որ ըստ իրեն կարող է տվյալ անձինք չցանկանան, որ հրապարակվի իրենց անունները: Բաբախանյանը ասաց նաև որ տեղյակ չէ, թե 7 թեկնածուներից ովքեր են ներկայացել մրցույթին:
News.am-ի տեղեկություններով, թեկնածուներից մեկը նշված փորձագիտական կենտրոնի որակի հսկման լաբորատորիայի տնօրեն, դեղագետ Աղավնի Գինոսյանը, մյուս թեկնածուն դեղագետ Վիլեն Գաբրիելյանն է, որը սոցիալական ցանցերում հայտնի է «Նավակ ճոճողը» անունով:
Լիլիթ Բաբախանյանը նաև նշեց, որ մրցույթը կանցկացվի երեք փուլով: Հավակնորդները նախ կմասնակցեն գրավոր թեստի փուլին: Առաջադրանքները կատարելուց հետո՝ կանցնեն հարցազրույցի փուլը: 2-րդ փուլը հաղթահարած անձինք բանավոր կներկայացնեն կազմակերպության զարգացման նախնական ծրագիրը:
Նշենք նաև, որ այդ պաշտոնը զբաղեցնում էր Լևոն Մելիքյանը, ով նախարարի2019թ-ի մայիսի 6-ի հրամանով նշանակվել էր կենտրոնի տնօրեն: Թե ինչ հանգամանքներով է աշխատանքից ազատվել հայտնի չէ:
