Ժամեր առաջ Մաստարա գյուղից ընտանիք Է տեղափոխվել Թալինի բժշկական կենտրոն։ SHANTNEWS.am-ը մանրամասներ է ճշտել հիվանդանոցի տնօրեն Կոմիտաս Սաֆարյանից: Ընտանիքի անդամները շմոլ գազից են թունավորվել:
«Ընտանիքում 5 հոգի են: Գիշերը գազի արտահոսք է եղել: Շմոլ գազից թունավորում է եղել: Երեխաների վիճակը բավարար է՝ չեն հոսպիտալացվել: Վիճակները բավարար է», տեղեկացրեց Կոմիտաս Սաֆարյանը:
Նա փոխանցեց նաև, որ եթե ոչ այսօր, ապա վաղը նրանք դուրս կգրվեն: