Կորոնավիրուսով պայմանավորված տեղաշարժման սահմանափակումների պատճառով Հոնկոնգը շրջապատող ջրերում քչացել են նավերն ու լաստանավերը։ Սրա շնորհիվ Հոնկոնգի ափեր են վերադարձել հազվագյուտ տեսակի սապատավոր դելֆիններ, որոնց այլ կերպ կոչում են չինական սպիտակ դելֆիններ։
Կենդանիներին այդ կողմերում վերջին անգամ տեսել էին 5-6 տարի առաջ։ Դելֆինների վերադարձը գիտնականներին հնարավորություն է տվել՝ ուսումնասիրելու ստորջրյա աղմուկի ազդեցությունը ջրային կաթնասունների վրա։
