Սեպտեմբերի 12-ին հայտարարված արտակարգ դրությունը կփոխարինվի կարանտինով։ Այս մասին այսօր Ազգային ժողովի արտահերթ նիստում հայտնեց ՀՀ արդարադատության փոխնախարար Ռաֆիկ Գրիգորյանը` պատասխանելով «Լուսավոր Հայաստան» խմբակցության ղեկավար Էդմոն Մարուքյանի այն հարցին, թե արդյոք սեպտեմբերի 12-ից հետո ՀՀում հայտարարվելո՞ւ է կարանտին։ Նշենք, որ դեռ նիստի սկզբում Գրիգորյանը տեղեկացրել էր, որ արտակարգ դրությունն այլևս չի երկարացվի։
«Եթե օրենսդրական փաթեթն ընդունվի մինչև սեպտեմբերի 11-ը, ապա կառավարությունը մտադիր է կարանտին հայտարարել ու պայքարը շարունակել համավարակի դեմ, քանի որ այն ավարտված չէ»,– հայտարարեց Գրիգորյանը։