Չինաստանում ռեստորանների ցանց է հայտնվել, որտեղ կշռում են այցելուների, հաղորդում է CNN-ը:
Հեռուստաալիքը պատմում է Հունան նահանգում գտնվող Chuiyan Fried Beef ռեստորանների ցանցի մասին, որտեղ այցելուներին խնդրում են կշռվել եւ տվյալները փոխանցել:
Ստացված տվյալների հիման վրա ռեստորանն այցելուներին համապատասխան մենյութ է առաջարկում: Այսպես, օրինակ, 40 կգ կշռող կանանց առաջարկում են տավարի միս եւ ձկան գլուխ, իսկ 80 կգ կշռող տղամարդկանց՝ շոգեխաշած խոզի փոր:
Հիշեցնենք, որ ավելի վաղ ՉԺՀ ղեկավարը երկրի բնակիչներին կոչ է արել տնտեսել ուտելիքը: