Ճապոնիայում 1 օրում արձանագրվել է կորոնավիրուսի 1264 նոր դեպք, ինչն աննախադեպ աճ է համավարակի սկզբից ի վեր: Չնայած դրան՝ Ճապոնիայի իշխանությունները հայտարարել են, որ երկրում կրկին արտակարգ դրություն մտցնելու անհրաժեշտություն չկա:
Reuters լրատվական գործակալության փոխանցմամբ՝ Տոկիոյի նահանգապետը կոչ է արել որոշ բիզնեսների ավելի կարճ աշխատաժամեր սահմանել:
Միայն Տոկիո քաղաքում մեկ օրում կորոնավիրուս է հաստատվել 367 մարդու մոտ:
Ընդհանուր առմամբ, Ճապոնիայում մինչև օրս կորոնավիրուս է հաստատվել 30 հազարից ավելի մարդու մոտ, որոնցից 1000-ը՝ մահվան ելքով:
