Մասնագետները նշում են, որ երեխայի մոտ խոսքային խնդիրների առկայությունը կարելի է ախտորոշել վաղ տարիքում՝ ընդհուպ գղգղանքի ու թոթովաքի փուլում։ Ծնողները, սակայն, հաճախ չեն գիտակցում, որ երեխան ունի խոսքային խնդիրներ՝ մտածելով՝ եթե նա մեծանա, անշուշտ, կկարողանա նորմալ խոսել։ Բայց, ցավոք, երբեմն ճիշտ ժամանակին մասնագետի օգնությանը չդիմելը կարող է ծանր հետևանքներ ունենալ երեխայի խոսքի զարգացման և հոգեբանության վրա։
Ինչպե՞ս կարելի է հասկանալ, որ երեխան ունի խոսքային խնդիրներ, ե՞րբ պետք է դիմել լոգոպեդի օգնությանը․ այս և թեմային վերաբերող մյուս հարցերին անդրադառնում է լոգոպեդ Լիլիթ Ադլոյանը։