Նոյեմբերի 20-ին մահվան ելքով վրաերթ է տեղի ունեցել Գեղարքունիքի մարզի Լիճք գյուղում: Տեղեկանում ենք «Սուրբ Աստվածամայր» ԲԿ մամուլի խոսնակ Գևորգ Դերզյանի ֆեյսբուքյան էջից:
Վրաերթի ենթարկվածներից տարեց կինը տեղում մահացել է, իսկ 11-ամյա երեխան տեղափոխվել է Երևան՝ «Սուրբ Աստվածամայր» ԲԿ:
Երեխայի մոտ կան զուգակցված վնասվածքներ՝ դիմային ոսկորների, կողերի, կոնքի կոտրվածք, թոքերի, որովայնի սալջարդ: Տղայի վիճակը ծանր է, գտնվում է վերակենդանացման բաժանմունքում՝ բժիշկների խիստ հսկողության ներքո: