Օրերս մամուլում լուրեր շրջանառվեցին, որ Մասիս ԲԿ-ում ծննդաբերության վերջին պրոցեդուրաներից հետո, ծննդկանը վատ պայմաններից դժգոհելով փախել է ու րոպեներ անց՝ ծննդաբերել Շենգավիթ ԲԿ-ում:
Medmedia-ն կապ հաստատեց Մասիս ԲԿ-ի մանկաբարձագինեկոլոգիական բաժնի բժիշկ՝ Մհեր Ենգիբարյանի հետ, ով ասաց, որ ծննդկանը հեռացել է բժշկական կենտրոնից՝ բողոքելով սանիտարահիգենիկ պայմաններից։ Միևնույն ժամանակ Մասիսի ԲԿ-ի տնօրեն Հայկ Հովհաննիսյանը մեզ հետ զրույցում ասաց, որ ծննդկանին ճանաչում է և նրա քայլը չի որակավորում որպես փախուստ, քանի որ նրան տրվել է ուղեգիր և ամեն ինչ եղել է օրենքի սահմաններում։
Ըստ տնօրենի ծննդկանը՝ պարզապես հրաժարվել է բժշկական կենտրոնի ծառայությունից և հեռացել է ։ Մեդմեդիա լրատվականի հետ զրույցում Շենգավիթ ԲԿ ի հասարակայնության հետ կապերի բաժնի վարիչ՝ Անուշ Բադալյանն ասաց, որ տեղյակ չէ այդ դեպքից և որ իրենց մոտ բոլոր ծննդկաններն անցնում են ընդունարանով ու ոչ մի արտառոց դեպք չի գրանցվել, բոլորը գտնվում են բավարար վիճակում։
Նյութի հեղինակ՝ Հասմիկ Չոբանյան
