Միլիոնավոր մարդիկ կարող են մահանալ, եթե մոլորակն առճակատվի կորոնավիրուսային համավարակի երկրորդ ալիքին, հայտարարել է Առողջապահության համաշխարհային կազմակերպության ներկայացուցիչը՝ հավելելով, որ հիվանդության բռնկումը գլոբալ մասշտաբով «առայժմ զարգանում է այնպես, ինչպես ԱՀԿ-ն կանխատեսել էր», գրում է CNN-ը։
«Իսպանական գրիպի (1918-1920 թթ.) հետ համեմատությունը ցույց է տալիս, որ այն ընթացել է այնպես, ինչպես հիմա Covid-19-ը։ 1918 թվականի ամռանն այն պասիվ էր, սակայն սեպտեմբեր և հոկտեմբեր ամիսներին կատաղի կերպով վերսկսվեց, ինչի հետևանքով երկրորդ ալիքի ժամանակ զոհվեց 50 միլիոն մարդ»,- հիշեցրել է ԱՀԿ-ի ներկայացուցիչ Ռանյերի Գուերան։
«Համավարակն ընթանում է այնպես, ինչպես կանխատեսել էինք»,-հավելել է նա:
ԱՀԿ ներկայացուցչը նման հայտարարություններ է հնչեցրել Եվրոպայի մի քանի երկրներներում և ամբողջ աշխարհում կարանտինային ռեժիմների չեղարկման և կորոնավիրուսային վարակի տարածման կապակցությամբ: