Հիգիենային հետևելն ու մարմնի խնամքը գեղեցիկ լինելու կարևոր նախապայմաններ են, ինչը հատկապես կարևորվում է կանանց կյանքում: Սակայն նույն այդ խնամքի միջոցները, երբեմն նաև կարող են վտանգավոր լինել կնոջ համար: Այս համատեքտում, MedMedia.am-ը միջադիրների մասին զրուցել է բժիշկ-գինեկոլոգ Եվա Չիչոյանի հետ:
Հարկ է նշել, որ միջադիրները սկսել են արտադրվել 1880–ականներից: Լայն կրրառում ստանալով նախորդ դարի 70-ականներից ՝ այսուհետ դառնալով կանանց մշտական ուղեկիցը:
«ՙԿնոջ օրգանիզմի առանձնահատկություններով պայմանավորված կանայք կիրառում են միջադիրներ դաշտանի օրերին, իսկ սեփական հարմարավետության և հիգիենայի ապահովման համար կիրառում են նաև ամենօրյա միջադիրներՙ»,-նշեց բժշկուհին ու շարունակեց. «ՙՄիջադիրների ճիշտ ընտրությունն ու օգտագործումը կարևոր նշանակություն ունեն առողջության պահպանման և հասցվող հնարավոր վնասի նվազեցման տեսանկյունիցՙ»:
Նշյալը հաշվի առնելով, Եվա Չիչոյանի խոսքով, կարևոր է իմանալ միջադիրների հատկապես սխալ կիրառման հնարավոր վտանգներն ու խուսափել դրանցից:
Այսպիսով, ինչպես զրուցակիցս փաստեց, վնասակար հետևանքներից է հեշտոցաբորբ (վագինիտ)՝ հեշտոցային միկրոֆլորային փոփոխման հետևանքով: «ՙԵրբ միջադիրները հաճախակի չեն փոխվում, առաջանում է չշնչող մակերես, խոնավ և բարձր ջերմային պայմաններ (ջերմոցային էֆեկտ), որոնք նպաստում են ախտաբանական ֆլորայի զարգացմանըՙ»,-ասաց մասնագետը: Վտանգներից է նաև սնկախտը (կանդիդոզ), որի ժամանակ հեշտոցային ֆլորայի փոփոխությունը համընկնում է իմուն համակարգի ընկճման հետ:
«ՙԻ հետևանք կամ միջադիրի նյութի հանդեպ գերզգայնության կարող է գրգռվել մաշկային ծածկույթը: Հնարավոր է նաև ալերգիկ ռեակցիա ներկանյութերի և անուշաբույրերի հանդեպՙ»,-մանրամասնեց գինեկոլոգը:
Հիշյալ բարդություններից խուսափելու համար, Եվա Չիչոյանը հորդորեց ցանկացած տեսակի միջադիրների կիրառման դեպքում հետևել նշված խորհուրդներին.
1. Ցանկացած տիպի միջադիր անհրաժեշտ է փոփոխել 2-3 ժամը մեկ՝ անկախ արտադրության քանակից
2. Կիրառել միջադիրները դաշտանի օրերին, իսկ ամենօրյա միջադիրները դաշտանի նախորդող օրերին և դաշտանին հաջորդող օրերին միայն առատ արտադրության դեպքում, եթե առատ արտադրությունը շարունակվում է ավելի երկար ցանկալի է դիմել բժշկի, քանի որ բարձր է հավանականությունը որևէ ախտաբանության:
3. Ցանկալի չէ կիրառել ներկանյութերով և անուշաբույրերով օծված միջադիրներ
4. Ցանկալի է հիպոալերգիկ բամբակյա շնչող միջադիրների կիրառումը
5. Ծակոտիների առկայությունը միջադիրի վրա ցանկալի է և նվազեցնում է ջերմոցային էֆեկտի զարգացման ռիսկը
6. Ցանկալի է կիրառել անհատական փաթեթներում առկա միջադիրներ ՝ պահպանելու համար ստերիլությունը
7. Անհրաժեշտ է ուշադրություն դարձնել միջադիրի տուփի վրա առկա վաղեմության ժամկետներին, շատերն անգամ տեղյակ էլ չեն դրա գոյության մասին
8. Քնել ամենօրյա միջադիրները ներքնաշորերում անցանկալի է:
