Առողջապահության կազմակերպիչ, բժիշկ-ուրոլոգ Գևորգ Գրիգորյանը Երիտասարդ բժիշկների հայկական ասոցիացիայի կողմից Աղվերանում կազմակերպված «Ընտանիքի առողջություն» գիտաժողովի ընթացքում ներկայացրեց տղամարդու անպտղության հիմնական պատճառների և դրանց բուժման մասին: Անդրադարձ կատարվեց կրիպտոխիզմին՝ որպես տղամարդու անպտղության հիմնական պատճառներից մեկը:
Նշվեց կրիպտոխիզմի վաղ հայտնաբերման անհրաժեշտության մասին, որի շնորհիվ հիվանդի մոտ կկանխվի ոչ միայն անպտղությունը, այլ նաև այնպիսի հիվանդություններ, ինչպիսին է օրինակ ամորձու քաղցկեղը:
Զեկույցի ընթացքում Գևորգ Գրիգորյանը թվեց նաև մի քանի համախտանշաններ, որոնք նույնպես կարող են անպտղության պատճառ հանդիսանալ: Մանրամասն խոսվեց դրանց հայտնաբերման և Ուրոլոգների եվրոպական ասոցիացիայի կողմից առաջարկվող բուժման մեթոդների մասին:
