Հանրապետական ծննդատանը մահացած նորածնի մայրը ֆեյսբուքյան իր էջում լուսանկար է հրապարակել՝ կից գրելով․
«Երեկոյան շատ սուր ցավերով տեղափոխվեցի հիվանդանոց։ Ախտորոշեցին աջակողմյան թոքաբորբ և թթվածնային քաղց։ Այսօր համեմատաբար լավ եմ զգում։ Առողջապահության նախարարը այցելեց ինձ։ Նա ինձ խոստացավ, որ ամեն ինչ բացահայտելու է»։
Հիշեցնենք, որ սեպտեմբերի 24-ին 33-ամյա Հայկուհի Խաչատրյանը ծննդաբերել էր, բժիշկները հայտնել են, որ երեխան մահացած է ծնվել: Երեխայի ծնողները կատարվածին չեն հավատում, և պնդում են, որ իրենց երեխան ողջ է ծնվել, քանի որ մինչ օրս երեխայի դին նրանց ցույց չեն տվել, չկան դեռևս դատաբժշկական փորձաքննության արդյունքները ևս: