Առողջապահության համաշխարհային կազմակերպությունում կարծում են, որ հակակորոնավիրուսային պատվաստանյութն ի հայտ կգա այն ժամանակ, երբ կսկսվի կորոնավիրուսի բռնկման երկրորդ ալիքը։ Այս մասին հայտնում է ТАСС լրատվական գործակալությունը, վկայակոչելով Ռուսաստանում ԱՀԿ ներկայացուցիչ Մելիտա Վույնովիչի հայտարարությունը, որը վերջինս արել էր օնլայն խորհրդակցության ժամանակ։
Վույնովիչը նշել է, որ հիմնական խնդիրը երկրորդ ալիքի տեղայնացումն է։ Նա նկատել է, որ ճիշտ կառավարման ու ճիշտ վերահսկման դեպքում կարանտինի տակ կլինեն առանձին մարդիկ եւ ոչ թե ողջ հասարակությունը։
