ՀՀ բարձր տեխնոլոգիական արդյունաբերության նախարարությունը հայտարարում է դրամաշնորհների մրցույթ՝ կորոնավիրուսի տարածման կանխարգելմանն ուղղված մարտահրավերների հաղթահարմանն աջակցելու նպատակով։
Արդյունավետ եւ նորարարական լուծումներ ունեցող ընկերություններն իրենց նախագծերի իրագործման համար կստանան դրամաշնորհներ:
Հայտերն ընդունվում են մինչեւ ապրիլի 3-ը՝ ժամը 24։00-ն։
Մրցույթի ընդհանուր բյուջեն կազմում է 22 մլն ՀՀ դրամ։
Այն տրամադրվելու է հինգ լավագույն նախագծերը ներկայացրած ընկերություններին՝ համապատասխանաբար 10մլն, 5մլն, 3մլն, 2մլն, 2մլն ՀՀ դրամ գումարի չափով:
Հայտերի գնահատումը իրականացվելու է 2 փուլով։
Առաջին փուլով կգնահատվի նախագծի օգտակարությունն ու իրագործելիությունը։
Հաջորդ փուլ կանցնեն հանձնաժողովի կողմից առավելագույն միավոր ստացած 15 նախագծերը։
