Կորոնավիրուսից մահացած 68-ամյա տղամարդը Մարալիկի բնակիչ էր: Այս մասին տեղեկացրեց Անի խոշորացված համայնքի ղեկավար Արտակ Գևորգյանը:
Նա նշեց, որ մահացածը ուղեկցող հիվանդություններ է ունեցել, գիշերն է մահացել. «Տղամարդը որսի սիրահար էր, շատ շփում էլ չունենք, չգիտենք նույնիսկ ումից է վարակվել: Նա կնոջ հետ էր ապրում, նրա հետ քիչ թվով անձինք են շփվել, բոլորն էլ մեկուսացված են այս պահին: Մեկուսացված է նաեւ նրա աղջկա ընտանիքը, որը Երեւանում է ապրում»:
Արտակ Գեւորգյանը հավելեց, որ Մարալիկում այլ դեպքեր չկան, բազմաբնակարան շենքերի մուտքերն էլ ամեն օր ախտահանվում են:
Ինչպես հայտնել էինք ավելի վաղ, այս քաղաքացու հետ շփված 29 բուժաշխատողներ այս պահին մեկուսացված են Գյումրիում:
