Խնձորը ամենատարածված ու սիրված մրգերից մեկն է, սակայն տարածված լինելով հանդերձ մենք ամեն բան չէ, որ գիտենք այս մրգի մասին։ Ձեզ ենք ներկայացնում խնձորի ամենաօգտակար հատկությունները որոնք հնարավոր է դեռ դուք չգիտեք։
Նվազեցնում է օրգանիզմում խոլեստերինի մակարդակն ու զարկերակային ճնշումը
Խնձորը պարունակում է մեծ քանակությամբ լուծվող մանրաթելեր, որոնք նվազեցնում են աթերոսկլերոզի և սրտանոթային այլ հիվանդությունների զարգացման հավանականությունը։ Օրական 2 հատ խնձորը կարող է մաքրել մարդու արյունատար համակարգը խոլեստերինային բջիջներից 10-ից 25%-ով։
Այրում է ճարպերը
Խնձորն այրում է ճարպերը, այն շատ օգտակար կլինի նրանց համար, ովքեր ցնականում են նիհարել կամ վերահսկել իրենց քաշը։ Բացի այդ խնձորը նվազեցնում է ճարպային կուտակումները։
Օգտակար է շաքարային դիաբետի դեպքում
Այս միրգը շատ օգտակար է երկրորդ տիպի շաքարային դիաբետով հիվանդների համար։ Խնձորը իր մեջ պարունակվող մեծ քանակությամբ լուծվող մանրաթելերը դանդաղեցնում են շաքարի կլանման գործընթացն արյան մեջ դրական ազդեցություն ունենալով արյան մեջ գլյուկոզի մակարդակի ցուցանիշների վրա։
Օգնում է ազատվել ատամի փառից
Այս հրաշալի միրգը օգտագործելով կարող եք ազատվել ատամի փառից ու բերանի տհաճ հոտից։ Այդ ամենը պայմանավորված է նրանով, որ խնձորը պարունակում է թթուներ,որոնք բերանի խոռոչում գտնվող միկրոօրգանիզմների հետ մտնում են ռեակցիայի մեջ և արգելակում բակտերիաների բազմացումը։
Պաշտպանում է ծերունական թուլամտությունից
Խնձորը պարունակում է ֆլավոնոիդներ,որոնք պաշտպանում են թուլամտության տարբեր տեսակների զարգացումից։ Խնձորը նաև օժտված է այլ օգտակար հատկություններով, որոնք ևս նպաստում են գլխուղեղի ու կենտրոնական նյարդային համակարգի առողջության պահպանմանը։
Խնձորը նաև հանդիսանում է բնական հակաօքսիդանտ, ինչի պատճառով այն անվանում են երիտասարդացնող միրգ։ Այս մրգի ամենօրյա օգտագործումը դրական կազդի մազերի ու մաշկի առողջության վրա։
