COVID-19 «Կերբերուս»-ի նոր շտամը վտանգավոր է տարեցների, ինչպես նաև քրոնիկ հիվանդություններով և իմունային անբավարարությամբ հիվանդների համար, այս մասին հայտնում է news.ru-ն։ Մինչև տարեվերջ կորոնավիրուսի այս տարբերակը կարող է տարածված լինել մարդկանց զգալի շրջանում։ Էվոլյուցիայի շնորհիվ «Կերբերուս»-ը կարող է ավելի վարակիչ լինել, քան նախորդ շտամները և ավելի արդյունավետ լինել հակամարմիններից խուսափելու համար:
Այս գենետիկ տարբերակները կամաց-կամաց սկսում են թափ հավաքել։ Արդյո՞ք դա կհանգեցնի դրանց տարածվածությանը, ցույց կտա մոտ ապագան։ Ըստ մասնագետի, «Cerberus»-ը մտնում է կորոնավիրուսի գենետիկ տարբերակների խմբի մեջ, որոնք ունեն հինգ և ավելի մուտացիաներ։ Կորոնավիրուսը, քանի որ դժվար թեստ էր տարեցների և քրոնիկ հիվանդություններ ունեցող մարդկանց համար, այդպես էլ մնացել է, սկզբունքորեն կտրուկ ոչինչ չի փոխվել։
Ալերգոլոգ-իմունոլոգ Վլադիմիր Բոլիբոկն ավելի վաղ ասել էր, որ հաջորդ մուտացիայի դեպքում COVID-19-ը կկորցնի մարդուն վարակելու ունակությունը։ Նրա խոսքով վարակի փոփոխականությունը նույնպես կարող է հակադարձ արդյունք տալ: Նա հավելել է, որ վարակելիության առումով կորոնավիրուսը շրջանցել է բոլոր վարակները, այդ թվում՝ ամենավարակիչ կարմրուկը։
Թարգմանությունը՝ Medmedia.am-ի
